New Kokborok Christian Song | Worship Song | Devotional Song | Mission Song | Theme Song
Lamsogo www.khorang.in site o. Tomung nwng puila o site o visit khlaio hwnkhe please subscribe khlai nadi, hakhe new post ni update manani. Tumung nwng “Bwkha Rwsugwi Subraiyungno” o rwchabmungni lyrics naitugwi tongo hwnkhe, abo nwng soijagao-no sokphai kha. Sudu abo simiya, aboni logio nwng mannai, tei kaisa theme song ni lyrics, “Songchanai Jisu se.”
Tei buino site ni link share khlaima bisingtwi chwng no support khlaijadi. O blog postni bisingtwi chwng thainwi theme song kokborok bai swijak tongmano norokni thani present khlaina muchungo.
Je thainwi rwchabmung oro post khlaina naimani wngkha:
- Bwkha Rwsugwi Subraiyungno Poito Khlaidi
- Songchanai Jisu se
Phiya o rwchabmung ni lyrics naina swkang o rwchabmung no sabo swikha tei buphuru swijakha, a koknobo kisa nailaianw.
Kokborok bai Christian khulummung ni bagwi kwtal rwchabmung. O rwchabmung Life Vision Church ni Foundation Day Celebration ni salo theme song rwchabjakmani rwchabmung. Rwchabmung ni mung: “Bwkha Rwsugwi Subraiyungno Poito Khlaidi.” O rwchabmung Life Vision Church ni Founder, Rev. Anand Debbarma ni bisingtwi swijakmani rwchabmung. Bono swinai, sur rwnai tei rwchabnai o lobmungni.
O rwchabmung ni audio manthogo Khorang Anand Channel o. “Bwkha Rwsugwi Subraiyungno” rwchabmung Phrwngmung 3:5-6 ni bwtang no rwksaui se swijago. O rwchabmung, poito khlainairok no Kaitor ni thani teibo poito rakrwna bagwi tei Kaitor ni bagwi kwbang yapharmao agog rwna bagwi uansugwi swijakmani. Rev. Anand belai deep uansukma tei meditation khlaima bisingtwi Kaitorni Spirit bai lead khlaijagwi komthengjakmani rwchabmung.
Kha khwlaio o rwchabmung ni bisingtwi kwbangma poito khlainairokni langmao pholani hamari phainai hwnwi. O rwchabmung 2023, November Talni puila hatio swijago, Foundation Day Celebration ni salno uansugwi. Phiya o rwchabmung je kunu jorao rwchabjagwi mano.
Mothani khulumma pandao, yapharma jora-o, eba convention eba mission conference ni juda juda pandao rwchabjagwi mano. Obo borokrokno bwkha bacharwna bagwi bo rwchabjagwi mano. Rev. Anand ni kwbangmano rwchabmung swijak tongo abohrokni bisingo o rwchabmung khe specially theme song eba mission song ni bagwi.
Oboni slai swkang 2022, bisini November Talo kaisa theme song swijak kha. Abo wngkha “Songchanai Jisu se“. Hakhe o blogo o thainwi theme song eba mission song no oro post khlaijak kha.
O rwchabmungni audio Khorang Anand Channel o manthogo.
Phaidi tabuk o thainwi rwchabmung ni lyrics no nailainai:
1. Bwkha Rwsugwi Subraiyungno Poito Khlaidi
Lyrics & Tune: Rev. Anand Debbarma
Bwkha rw sugwi Subraiyung no nwng
Poito khwlai di Kaitorno nwng
Sakno yapharwi Bono rwkthar di
Kaitorni bagwi kwbang yaphar di…x2
Hamari mannai nwng
Kwbang yaphar khe
Khakchangma mannai nwng
Jisu bai tong khe
1# Kaitorno kirima giyan ni yaphang
Bini Kok khnama hamarini yaphang….x2
Bwkha kuphur bai nwng, borom khwlaidi…x2
Bono hamjakma bai kok narwkdi
2# Bwkha rw sugwi, poito khwlai-ui
Bono yaphar khe, Kaitor hamjago….x2
Bini hamjakma tai paiui thanglak…x2
Bini kok rwma bo kwmai thanglak
3# Kaitor khairogwi, chwng no songcha kha
Bini kokthai bai chwngno rakrw kha….x2
Bini khairokma se chwng le nango…x2
Poito bai se chwng bachana nango
Kha khlaio, o rwchabmung no nwng khwnaui khnathokjak khwna tei hamari mankhwna. O rwchabmungni audio khwnana bagwi Khorang Anand channel o thangdi. Tomung nwng channel subscribe khlaijakya kho hwnkhe please subscribe khlaijadi. Hakhe jephuru phano chwng kwtal rwchabmung upload khlai khe nwng khwnaui mannai.
2. Songchanai Jisu Se
Lyrics & Tune: Rev. Anand Debbarma
O rwchabmung compose khlaijak kha based on John Chapter 15
Songchanai Jisu se, Tor rwnai Kaitor se
Chwng khe, Bini bedek se
Ya-phang Jisu se, Nokphang Kaitor se
Chwng khe, Bini bwthai se ..x2
Hamjagwi tong lai nai
Thansa khe tong lai nai
Bw-thai kaham chwng, thai lai nai..x2
1# Kaitor rwnai chamung kaham
Chuknohani chamung kwthang
A chamung no chaui chwng
Pal torlai nai ..x2
Jisu yaphang o buphang ni
Kaitor nokphang o bari ni
Chwng khe bedek tei bwthairok
O buphang ni
2# Kaitor rwma imang kotor
Ha-yung no mwthang nani
Jisu ni kothoma kaham
Chwng pirlai nai..x2
Hamyarokno hamrwnani
Nukyarokno nukrw nani
Samung kaham tangna bagwi
Chwng bacha nai.
O rwchabmung ni audio nwng mannai Khorang Anand Channel o. Please channel thangwi khwnadi o rwchabmung ni audio. Tei subscribe, like tei share khlainani ta pokjadi. Chwngno support khlaijadi.
Hambai! Channel bai krwngwi tongma bagwi tei Khorang site visit khlaima bagwi.